Sabirabadda qəza: 6 nəfər xəsarət alıb

Sabirabadda baş vermiş avtomobil qəzasında sürücülər və sərnişinlər xəsarət alıb.

APA -nın Mil-Muğan bürosunun məlumatına görə, hadisə Sabirabad rayonunun Şıxsalahlı kəndindən keçən hissəsində qeydə alınıb.
Sabirabad sakini, 1987-ci il təvəllüdlü Vəliyev Dilqəm Oruc oğlunun idarə etdiyi "VAZ 2107" markalı avtomobillə Şirvan sakini, 1987-ci il təvəllüdlü Baxşiyev İlham Əli oğlunun idarə etdiyi "QAZ3110" markalı avtomobil toqquşub. Nəticədə hər iki sürücü və avtomobillərdə olan sərnişinlər -Şirvan sakinləri, 2001-ci il təvəllüdlü Qarayev Ramal İlkin oğlu, 2005-ci il təvəllüdlü Qədirov Rəşad Emin oğlu, Qaratoğay kənd sakini, 1957-ci il təvəllüdlü, Kazımov Lazım Hüseyn oğlu və2002-ci il təvəllüdlü Qədirov Səmid İlqar oğlu müxtəlif dərəcəli xəsarətlərlə Şirvan şəhər xəstəxanasına yerləşdirilib. Sonuncunun vəziyəti ağır olduğundan xəstəxananın reanimasiya şöbəsinə köçürülüb.

Faktla bağlı Sabirabad Rayon Polis Şöbəsində araşdırma aparılır.

Paylaş

Bizi Facebookda izləyin
menu
menu