İvanişvili: "Rusiya ilə münasibətləri normallaşdırmaq lazımdır" 


Partiya sədri hesab edir ki, Rusiya bazarı Gürcüstan üçün çox əhəmiyyətlidir və onu əvəz etmək asan iş deyil


 "Gürcüstan və Rusiya arasında turizm əməkdaşlığı və ticarət əlaqələri əhəmiyyətlidir. Bu səbəbdən də ölkələr arasında münasibətləri normallaşdırmaq lazımdır".
Sputnik Azərbaycan RİA Novosti-yə istinadən xəbər verir ki, bunu "Gürcü Arzusu" partiyasının təsisçisi və sədri Bidzina İvanişvili bəyan edib.

"Ölkəmizə turistlərin gəlməsi və (Rusiya ilə - red.) ticarət əlaqələrimizin olması siyasətçilərin buraxdığı səhvləri düzəltmək üçün əhəmiyyətli zəmindir. Ərazi bütövlüyümüzün və qonşularımız ilə normal münasibətlərin bərpasında xalq diplomatiyası və ticarət əhəmiyyətli rol oynayır", - İvanişvili deyib.

Partiya sədri hesab edir ki, Rusiya bazarı Gürcüstan üçün çox əhəmiyyətlidir və onu əvəz etmək asan iş deyil: "Onun (Rusiya bazarının – red.) Gürcüstan malları üçün bağlanmasını istəyən adamlar ölkənin düşmənləridir".



Paylaş

Bizi Facebookda izləyin
menu
menu