Ali məktəblərə imtahansız qəbul olmaq istəyən 14 mindən çox subbakalavr qeydiyyatdan keçdi


“Ali təhsil müəssisələrinə imtahansız qəbul olmaq istəyən 14612 subbakalavr qeydiyyatdan keçib”.


Bunu APA -ya açıqlamasında Dövlət İmtahan Mərkəzinin (DİM) Mətbuatla iş və elektron kommunikasiya sektorunun müdiri Xanlar Xanlarzadə deyib. O bildirib ki, subbakalavrların elektron ərizələrinin qəbulu bu gün başa çatıb.
Qeyd edək ki, elektron ərizə qəbulu 2019-cu il iyunun 13-dən başlayıb. İxtisasların uyğunluğu, yəni subbakalavrın bitirdiyi ixtisasdan asılı olaraq seçə biləcəyi ali təhsil müəssisələrinin ixtisaslarının siyahısı, müsabiqə şərtləri və digər zəruri məlumatlar “Abituriyent” jurnalının xüsusi buraxılışında dərc olunub.

Paylaş

Bizi Facebookda izləyin
menu
menu