Gələn ildən AMEA-da lisey fəaliyyət göstərə bilər


"Gələn ildən Azərbaycan Milli Elmlər Akademiyasında (AMEA) lisey fəaliyyət göstərə bilər".

"Sherg.az" Trend-ə istinadən xəbər verir ki, bunu Azərbaycan Milli Elmlər Akademiyasının prezidenti Akif Əlizadə magistrantlarla görüşündə deyib.

Onun sözlərinə görə, akademiyada liseyin yaranması nəzərdə tutulan məsələlərdən biridir: "İstərdik ki, 10-11 ci sinif şagirdləri akademiyanın liseyinə qəbul olunsunlar. Güman edirəm ki, akademiyanın 75 illiyi ilə əlaqədar gələn ildən burada lisey fəaliyyətə başlayacaq".

A.Əlizadənin sözlərinə görə, gələn il martın 27-də akademiyanın 75 yaşı tamam olacaq. Ötən dövr ərzində AMEA-da möhtəşəm elmi məktəblər fəaliyyət göstərib, burada işləyən görkəmli alimlər dünya elminə töhfələr veriblər.

AMEA prezidenti əlavə edib ki, bu gün akademiya həm təhsil ocağı, həm də elmi müəssisədir.

Paylaş

Bizi Facebookda izləyin
menu
menu