Xanım jurnalist polisə şikayət etdi: "İntihar həddinə çatmışam"

"Bir ilə yaxındır ki, şəxsi həyatım və işimlə bağlı təhdid və şantaj dolu mesajlar alırdım. Həmin şəxslərin kim olduqlarını ehtimal edirəm".
Bu sözləri "Sputnik Azərbaycan” saytının əməkdaşı, jurnalist İradə Cəlil deyib.

Lent.az-ın xəbərinə görə, o, bildirib ki, bu barədə hüquq-mühafizə orqanlarına müraciət edib:

"Nəticə olduqdan sonra bu haqda geniş məlumat verəcəm. Heç kimlə problem yaşayan insan deyiləm. Onlar məni Feysbukda saxta profillərlə təhdid edir. Şəkillərimi paylaşaraq, haqqımda ağlasığmaz ifadələr yazırlar. Artıq intihar həddinə çatmışam. Şəxs və ya şəxslərin hansı əsaslarla təhdid, şantaj etdiyini polisə bildirmişəm. Kiminsə haqqına girmək istəmirəm. Araşdırılandan sonra məlum olacaq ki, kimdir, nə istəyir... Bəlkə heç istədiyi bu deyil, bəlkə başqa adamdır. Mən şübhələndiyim adamların adlarını hüquq-mühafizə orqanlarına demişəm.

Mənim 2017-ci ilə qədər həyatımla, işimlə və s. heç kimlə problemim olmayıb, hesab edirəm, düşmənim də yoxdur. Mən güzəştə gedən adamam, müəyyən problem yaşayıb münasibətlərimizin kəsildiyi dostlarımla da əlaqələri bərpa etmişəm ki, haqları üzərimdə qalmasın. Hələlik bunları deyə bilərəm”.
Qeyd edək ki, bir müddət bundan əvvəl jurnalist aldığı təhdid və şantajlar barədə Feysbuk profilində ölkə rəhbərliyinə müraciət edib.

Paylaş

Bizi Facebookda izləyin
menu
menu