KORONAVİRUSA görə 7 min nəfər gəmidə qalıb – AJİOTAJ + FOTO

Romada 7 min nəfər koronavirusa görə, kruiz gəmisində qalıb. 

“Sherg.az” “lepoint.fr/sante”ə istinadən xəbər verir ki, Avropada bir neçə dəfə dayanan gəminin göyərtəsində iki şəxsdə şübhəli hal müəyyən edilib. Onlar Honqkonqdan  gələn çinli cütlükdür.

Xəbərə görə, həmin 7 minin 6 mini sərnişindir. Gəmi Roma yaxınlığındakı Sivitaveşiya limanında dayanıb. Sivitaveşiyanın tibb mərkəzinin sözçüsü “Agence France-Presse”ə bunları bildirib:

“Səhər tezdən Səhiyyə Nazirliyi tərəfindən məlumat verildi və nümunə götürmək üçün gəmiyə üç həkim göndərdik". 

Məlumatda o da diqqətə çatdırılır ki, gəmidəki 7 min nəfərin 6 mini sərnişin, min nəfəri isə ekipajdır. Gəminin göyərtəsində çinli qadın öskürüb və qızdırması olduğunu bildirib. Həkimin verdiyi məlumata görə, həmin cütlük digər sərnişinlərdən təcrid olunmuş vəziyyətdə saxlanılır. 

Xəbərdə o da bildirilir ki, cütlük yanvarın 25-də Milana Honkonqdan gəlib. Milandan sonra İtaliya şəhəri olan Savona gəlib, oradan Barselonaya( İspaniya ), Barselonadan isə  Marselə (Fransa)  gedəcəkmiş. 

Paylaş

Bütün xəbərlər Facebook Telegram kanalında
Ayyət Əhməd Yazarın yazıları
menu
menu