Analar tənbəllik edir: Uşağı doğum evindəcə süni qidaya öyrədirlər, fəsadlar yaranır

Adətən pediatrlar körpələrə ana südü verilməsini məsləhət görsələr də, hazırda körpəsinə süni qidalar verən analar az deyil. Mağazalarda da çeşid-çeşid süni qidalar var. Qiymətləri isə "əl yandırır".
 
Həmçinin də süni qidaların mədə-bağırsaq xəstəliklərinin yaranmasına səbəb olması, uşaqların inkişafına pis təsir göstərməsi ilə bağlı iddialar var. 
Valideynlərin də süni qidalara münasibəti müxəlifdir. Onların bir qismi bu qidalardan razı olsa da, narazı olanlar da kifayət qədərdir. 

Övladına uyğunlaşdırılmamış qidanı verən  valideyn yeməkdən sonra uşaqda qəbizlik və ya ishal kimi problemlərin üzə çıxdığını deyir. Süni qidalar bəzən də  allergik reaksiyalar yaradır.  Bu isə süni qidaların tərkibini şübhə altına salır. Zərəli maddələrin olma ehtimalına əsas verir. 



Xanım Bəkirova: “Mənim valideynlərdən övladlarını, israrla ana südü ilə qidalandırması tələbim var”


Pediatr Xanım Bəkirova  isə "Şərq"ə açıqlamasında deyib ki, süni qidaların tətkibində hansısa ziyanlı maddə yoxdur, sadəcə valideynlər düzgün seçim etmir: 

"Süd zülalı allergiyası olan uşağa adi hidroliz olunmamış qida verildiyində ishal və ya qəbizlik, qusma kimi hallar verir. Bu zaman ya həkim tərəfindən ya da valideynin özü kor-koranə  şəkildə bir neçə qidanı sınaqdan keçirir.  Əslində, normal həkim həmin anda hansı qidanın təyin olunmalı olduğunu bilməlidir. Çox təəssüf ki, bir çoxları bu işin biznes tərəfini düşündüyüyndən qidalar haqqında tam məlumatlı deyillər. Təbii ki, mənim valideynlərdən övladlarını, israrla ana südü ilə qidalandırması tələbim var. Amma uşağı doğum evindəcə süni qidaya öyrədirlər, körpə butulkadan rahatca yeməyə üstünlük verir. Təbii ki, burada  bəzi analarımızın da tənbəlliyi istisna deyil”.

Paylaş

Bizi Facebookda izləyin
Şəymən Bayramova Yazarın yazıları
menu
menu