Ağar: Rusiya və Türkiyə savaşın bir addımlığındadır


"Öncə onu qeyd edim ki, son dərəcə çətin bir dövr yaşanmaqdadır. Çünki Türkiyənin ortaya qoyduğu bir tezis və bu tezisə bağlı olan bir iradə və əzm var".

Bu sözləri terrorizmlə mübarizə üzrə mütəxəssis, məşhur türk hərbi ekspert Abdullah Ağar Axar.az-a İdlibdə baş verən son proseslər haqda danışarkən deyib.

Ekspertin sözlərinə görə, istər İran, istər Rusiya, istərsə də Suriya rejimi Türkiyənin bu əzminə qarşı müqavimət sərgiləyir:

“Hazırda diplomatiya və mövcud təşəbbüslər meydandakı çətinliklərin fonunda gücsüzdür. Hər iki ölkə – Rusiya və Türkiyə hər hansı bir şəkildə aralarındakı diplomatik bağların qopmaması üçün meydanda son dərəcə diqqətli davrandıqları, bir iradə ortaya qoymalarına baxmayaraq, eyni zamanda, birbaşa qarşıdurmanın bir addımlığındadırlar. Türkiyənin dəstəklədiyi qüvvələrlə Rusiyanın dəstəklədiyi qüvvələr arasında şiddətli bir rəqabət var. Bu rəqabət və qarşıdurma hər iki ölkəyə çox ciddi şəkildə təsir göstərir. Bu olanların iki ölkə arasında birbaşa hərbi toqquşmaya gətirib çıxarmaması üçün hər iki tərəfin həssas davrandığını müşahidə edirik. Amma, düzünü desəm, mənim hazırda müşahidə etdiyim odur ki, son dərəcə riskli bir vəziyyətdir”.

A.Ağar qeyd edib ki, bu mübarizə ağır silahlardan istifadə edilən bir şəraitdə aparılır:

“Bu isə şəhidlərin ortaya çıxması, qarşı tərəfin çoxsaylı itkilər verməsi ilə nəticələnir. Onu qeyd edim ki, bu mübarizədə təkcə canlı qüvvə itkisi deyil, hərbi-texniki itkilər də kifayət qədərdir”.

Paylaş

Bizi Facebookda izləyin
menu
menu