Daşkənd məktəbində şagirdlərə Xocalı soyqırımından danışıldı - FOTO

Daşkənddəki 48 nömrəli orta məktəbin müəllimləri və aşağı sinif şagirdləri Özbəkistandakı Heydər Əliyev adına Azərbaycan Mədəniyyət Mərkəzində olublar.

Müəllim və şagirdlər Heydər Əliyev Muzeyi, Azərbaycan Dövlətçilik Tarixi Muzeyi, Xalça Muzeyi və Mərkəzin kitabxanası ilə tanış olublar. Kitabxanada şagirdlərə Qarabağ, onun tarixi, mədəniyyətinə aid kitablar haqqında geniş məlumat verilib.

Mərkəzin əməkdaşı Azərbaycan-Ermənistan, Dağlıq Qarabağ münaqişəsi, dövlətimizin simvolları-bayraq və gerb haqqında ətraflı məlumat verib. Şagirdlər foyedə təşkil olunan Xocalı soyqırımını əks etdirən foto və kitab sərgisi ilə tanış olublar.

Mərkəzin əməkdaşı bu faciənin qurbanlarından, bir gecənin içində 63-ü uşaq olmaqla 613 insanın qətlə yetirilməsi,  dinc əhalinin öz yurdlarından didərgin salınması, Azərbaycan xalqina qarşı baş vermiş misli olmayan bu amansız qətliamdan danışıb. Bildirilib ki, həmin gün valideyinlər uşaqlarını, uşaqlar isə ata-anasını itirib, bu, böyük faciədir.








Paylaş

Bizi Facebookda izləyin
menu
menu