Səkkiz saatdan çox işləyənlər əlavə maaş almalıdırlar – Həm də ikiqat

ARB TV-nin “Günə doğru” verilişində gündəlik iş rejimi ilə bağlı süjet yayımlanıb. Televiziya əməkdaşının şəhər sakinləri ilə söhbəti zamanı onlardan biri bildirib ki, iş müddəti 7-8 saatdır, amma 10 saat olsa, daha gözəl olar. Vətəndaş fikrini onunla əsaslandırıb ki, çox işləyəndə, qazanc daha çox olur. 

Əslində isə qanunvericilikdə göstərilən norma səkkiz saatdır. Vətəndaşın istəyinə münasibət bildirən Əmək Hüquqlarının Müdafiə Liqasının rəhbəri Sahib Məmmədov Sherg.az-a deyib ki, 10 saatlıq iş rejiminin tətbiqi real deyil. O, qeyd edib ki, bir vətəndaşın bu fikri səsləndirməyi ictimai əhəmiyyət kəsb etməməlidir: 

“Ola bilsin ki, həmin vətəndaşımızın qanundan, əməyin mühafizəsi qaydalarından xəbəri yoxdur. Əlbəttə, bu məsələ müzakirə predmeti olmamalıdır. Çünki Konstitusiyada, həmçinin bizim tərəfdar çıxdığımız beynəlxalq sənədlərdə sutkalıq iş rejiminin səkkiz saat olması göstərilir”. 



Sahib Məmmədov: "Konstitusiyada, həmçinin bizim tərəfdar çıxdığımız beynəlxalq sənədlərdə sutkalıq iş rejiminin səkkiz saat olması göstərilir"


S.Məmmədovun sözlərinə görə, səkkiz saatdan çox işləyənlərə iki qat artıq məvacib ödənilməldir:

“Bəzi iş yerlərində əməkdaşlar növbəli rejimlə çalışdıqlarına görə, sutkada səkkiz saatdan çox işləyə bilərlər. Məsələn, ola bilər bir əməkdaş, bir sutka işləsin, növbəti gün isə istirahət etsin. Belə hallara rast gəlinir və normaldır. Lakin gündə səkkiz saatdan saatdan çox, məsələn on saat işləyənlər, iki qat artıq maaş almalıdırlar”. 

Paylaş

Bizi Facebookda izləyin
Kənan Novruzov Yazarın yazıları
menu
menu