“İnsanlarımız məsuliyyətli davransa, yoluxma sayı azalacaq”

“Xalqımızı Operativ Qərargahın qərar və qaydalarına tam əməl etməyə səsləyirəm”


Azərbaycanda koronavirusa yoluxanların sayı getdikcə çoxalır.  İlk günlərdə bir rəqəmli olan artım, sonrakı günlərdə iki rəqəmliyə keçib.
Həkim- infeksionist Vüqar Cavadzadə də “Sherg.az”a söyləyib ki, virusun bu qədər sürətlə yayılması və yoluxma faktlarının artması  birmənalı olaraq əhalinin karantin qaydalarına riayət etməməsi ilə bağlıdır: 

“Vətəndaşların virusu ciddiyə almaması, hətta əvvəlcə tətbiq olunan karantin rejimi, daha sonra xüsusi karantin rejiminə də laqeyd münasibəti yoluxma faklarının artmasına gətirib çıxardı. 

Ya insanlar bu pandemiyanın nə dərəcədə təhlükəli olduğunu anlamır, ya da anlamaq istəmir. Düşünürəm ki, son karantin tədbirləri insanlarımızı daha məsuliyyətli olmağa vadar edəcək və növbəti günlərdə yoluxma sayı azalacaq. Koronavirus infeksiyasının qlobal pandemiya elan olunduğunu və virusun geniş yayılma tendensiyasının davam etdiyini nəzərə alaraq, bir daha vətəndaşlarımızı diqqətli olmağa çağırıram.


Bundan başqa, insanları Ümumdünya Səhiyyə Təşkilatının tövsiyələrinə riayət etməyə, əhalinin sağlamlığının etibarlı qorunması və təhlükəsizliyinin təmin edilməsi məqsədilə Operativ Qərargahın qərar və qaydalarına tam əməl etməyə səsləyirəm”.

Həkim hesab edir ki, bir gündə 78 yeni yoluxma faktının qeydə alınması kifayət qədər yüksək artım tempidir:
“İndiyə qədər 521 yoluxma faktı qeydə alınıb, xəstələrdən 32 nəfəri sağalıb, 5 nəfər vəfat edib, 484 nəfərin xüsusi rejimli xəstəxanalarda müalicəsi davam etdirilir. Bu digər ölkələrlə müqayisədə böyük rəqəm olmasa da, ciddi artımdır”.

Paylaş

Bizi Facebookda izləyin
Şəymən Bayramova Yazarın yazıları
menu
menu