İnfeksionist: “Koronavirusa qalib gələ bilərik, bir şərtlə ki...”


Cəmiyyət olaraq  şəxsi gigiyena və karantin rejiminin qaydalarına uyğun hərəkət edək”

“Hamımızın  yumruq halında birləşib həll edə biləcəyimiz bir  problemdir” 


Azərbaycanda koronavirus infeksiyası ilə bağlı tendensiya arzuolunan deyil.
 İnfeksiyaya yoluxanların sayı həndəsi silsilə ilə artır. Dünənə olan  statistikaya görə,  Azərbaycanda 104 yeni koronavirusa yoluxma faktı qeydə alınıb, 38 nəfərin sağaldığı bildirilib. Bir koronavirusa yoluxmuş xəstə isə vəfat edib.
Bununla da ölkədə indiyədək koronavirusa yoluxanların sayı 926-ya, ölənlərin sayı isə 9-a çatıb.

Həkim-İnfeksionist  Süleyman Kamilovun dediyinə görə, virusun bu qədər sürətlə yayılması və yoluxma faktlarının artması  birmənalı olaraq əhalinin karantin qaydalarına riayət etməməsi ilə bağlıdır:
 
“Bəzi insanların səhlənkarlığı, xəstəliyə hələ də bir oyun kimi baxmaları vəziyyəti gətirib bu həddə çatdırıb. Ola bilər ki, koronavirus kimin üçünsə adi bir qrip virusudur, başqa biri bu infeksiyanı ayaqüstdə  keçirə bilər. Lakin xüsusi risk qrupuna aid olan şəxslər üçün  koronavirus kifayət qədər ağır, hətta ölümcül bir virusdur. Bir çoxlarının oyuncaq hesab etdiyi “COVİD” 19 yaşlı insanların, xroniki xəstələrin ölümünə səbəbə ola bilər.  İnsanlarımız bunu dərk etməli və ona uyğun davranmalıdır. 
İnanın ki, bütöv cəmiyyət olaraq  şəxsi gigiyena və karantin rejiminin qaydalarına uyğun hərəkət etsək, biz koronavirusa qalib gələ bilərik. Təhlükə nə qədər ciddi olsa da, bir  millət və dövlət olaraq  hamımızın  yumruq halında birləşib həll edə biləcəyimiz bir  problemdir”. 

 Xəstə şəxslərlə kontaktda olmayan adamlarda belə virusun aşkarlanması iddialarına gəldikdə isə həkim deyib ki, ünsiyyətdə olduğumuz hər hansı bir insanın koronavirus daşıyıcısı olub olmadığını biz bilə bilmərik. “COVİD 19” infeksiyasını əksər hallarda asemptomatik gedişi mövcudddur”.

Paylaş

Bizi Facebookda izləyin
Şəymən Bayramova Yazarın yazıları
menu
menu