“ОРЕК+”un qərarı qiymət artımına səbəb olacaq” – ŞƏRH 

“Lakin bu artım 30 dollar ətrafında cərəyan edəcək. Üstəgəl, OPEK gələcəkdə neftin sutkalıq hasilatını daha  10 milyon barrel azalda bilər”



“OPEK+”un neft hasilatının sutkalıq 10 milyon barrelə qədər azaldılması ilə bağlı qərarı qiymət artımı üçün yetərli olmayacaq. Bu iddia ilə “Qoldman Saç” investisiya bankının analitikləri çıxış ediblər.
Onlar böyük neft istehsalçıları arasında hasilatın azaldılması ilə bağlı razılaşmanın tarixi olduğunu, amma yetərli olmadığını bildiriblər.

Məsələni siyasi cəhətdən şərh edən politoloq, Vəhdət Partiyasının sədr müavini  Vasif Əfəndiyev isə “Sherg.az”a deyib ki, “ОРЕК+”in neftin sutkalıq  hasilatını aşağı salması gələcəkdə qiymət artımına səbəb olacaq. Lakin bu artım 30 dollar ətrafında cərəyan edəcək.  Onun sözlərinə görə OPEK gələcəkdə neftin sutkalıq hasilatını daha  10 milyon barrel azalda bilər: 



“OPEK-ə üzv ölkələr mart ayının əvvəllərində bu qərarı verməyə cəhd etsələr də, siyasi təzyiqlər qarşısında geri çəkilməyə məcbur oldular. Bu qərarın bir ay sonra verilməsi neft ölkələrinin siyasi mücadiləsinin nəticəsidir. Tükiyənin enerji məhsullarının qiymətinin bahalaşması “COVİD-19” virusunun iqtisadiyyata təsirinin sonlanması ilə başlayacaq. Hazırda bütün dünyada istehsal və daşınmalar kəskin olaraq azaldığı üçün neftə olan tələbat da azalıb. Normal şərtlərdə  bir çox ölkələr neftin ucuzlaşmasından yararlanıb anbarlarını ucuz neftlə doldurmaq istəyərdilər. Lakin indiki şəraitdə neft satışı ilə məşğul olan ölkələr öz iqtisadi maraqlarını belə asanlıqla güzəşt edə bilməzlər”.  

Neft gəlirlərinin əhəmiyyətli şəkildə azaldığını vurğulayan V. Əfəndiyevin fikrincə  az istehsal, az gəlir deməkdir. Ona görə də koronavirus pandemiyasından  dövlətlər nəticə çıxarmalıdırlar:

 “Supergüclər belə vəziyyətin kritik həddə çatmasının qarşısında aciz qala bilərlər. Ona görə də bütün dövlətlər öz xalqının qida təhlükəsizliyini təmin edəcək ərzaq ehtiyyatına malik olmalıdırlar.  Bunun isə bir yolu var:  hər kəs  özü əkib, becərməlidir”.

Paylaş

Bizi Facebookda izləyin
Şəymən Bayramova Yazarın yazıları
menu
menu