Direktor professorla razılaşmır: "Dəyişiklik çaşqınlığa səbəb ola bilər”

Bakı Dövlət Universitetinin Jurnalistika fakültəsinin professoru Nəsir Əhmədli “Oqfoqrafiya lüğəti”nin “Orfoqrafiya normaları”na tam uyğun olmasını təklif edib. O, bu barədə özünün “Facebook” səhifəsində yazıb: ““Normalar”ın 3.3. bəndində deyilir ki, (mənbə dildə) “h” hərfi ilə başlanan alınma sözlər “h” ilə yazılır. Bu normaya uyğun olaraq yeni lüğətdə aşağıdakı sözlərin hamısı “h” hərfi ilə başlanmalıdır:

- Haymorit [xəstəlik növü, İngiltərə anatomu Haymorun (Highmore)] adı ilə bağlıdır;
- Hantel (idman aləti, almancası: Hantel);
- Herb (polyakca: herb);
- Hetman (almanca: Hauptmann);
- Higiyena (yunanca: hygienos);
- Hiyena (yırtıcı heyvan növü, yunanca: hyaina);
- Honorar (qələmhaqqı, latınca: honorarium);
- Horoskop (yunanca: höroskopos)...” 

 Nəsimi adına dilçilik institunun direktoru Möhsün Nağısoy isə “Sherg.az”a bildirdi ki, belə sözlərin yazılışında tez-tez dəyişiklik etmək çaşqınlığa səbəb ola bilər: 

“Düzdür, mənbə dildə bu qəbildən olan sözlər “H”la yazılır. Bəlkə də, bəzilərini dəyişmək məqsədəuyğundur. Əsas məsələ ondan ibarətdir ki, sözlərin dilə yatımlılığında problem yaranmasın.  Məsələn, insanlar artıq “gerb”ə, “qonorar”a öyrəşiblər. İkinci bir tərəfdən isə hər il buraxılan lüğətdə sözlərin bir formada yazılması nəsillər arasında əlaqənin itməsi ilə nəticələnə bilər. Odur ki, məncə, bütün belə sözlərin yazılışının dəyişilməsinə ehtiyac yoxdur”.                                                                                                    

Paylaş

Bizi Facebookda izləyin
Kənan Novruzov Yazarın yazıları
menu
menu