Gədəbəydən dövlət rəhbərinə məktub var: “Siz diqqət və qayğınızı biz sakinlərdən yenə də əsirgəmədiniz”

Bütün dünyanı cənginə almış koronavirus pandemiyasının ölkəmizdə geniş yayılmasının qarşısının alınması istiqamətində Prezident İlham Əliyevin atdığı addımlar, əhalinin sağlamlığının qorunması üçün gördüyü işlər Azərbaycan vətəndaşları tərəfindən böyük rəğbətlə qarşılanır. Vətəndaşlarımız Azərbaycan xalqının bu bəladan xilas olması üçün dövlətimizin başçısının göstərdiyi diqqət və qayğıdan razılıqlarını ona yazdıqları minnətdarlıq məktublarında ifadə edirlər.
Gədəbəy rayonunun Əyrivəng kəndindən Altay Əsgərov ölkə başçısına məktubunda vurğulayır:

“Hörmətli cənab Prezident, bütün respublikamızda, o cümlədən Gədəbəydə aparılan abadlıq-quruculuq işlərinə görə Sizə təşəkkür edirəm. Uzun müddət idi ki, sakinlərimiz yanacaq və işıq sarıdan əziyyət çəkirdi. Artıq bu çətinliyimiz aradan qaldırılır. Hazırda 3000 sakini, 17 şəhidi olan, sərhəd bölgəsində yerləşən Arıqıran və Əyrivəng kəndlərində təbii qaz xəttinin çəkilişinə və elektrik xətlərinin, transformatorların dəyişdirilməsinə başlanılıb.

Cənab Prezident, bütün dünyanı ağuşuna alan COVID-19 pandemiyası səbəbindən yaranmış böhrana, iqtisadi və maliyyə çətinliyinə baxmayaraq, Siz diqqət və qayğınızı biz sakinlərdən yenə də əsirgəmədiniz. Hər bir Azərbaycan vətəndaşına, o cümlədən bizlərə göstərdiyiniz diqqət qayğıya görə Əyrivəng kəndinin bütün sakinləri adından Sizə dərin təşəkkürümüzü bildiririk. Allah Azərbaycanımızı, Sizi və ailənizi qorusun!”.


Paylaş

Bizi Facebookda izləyin
menu
menu