“Hər kəsin ətrafında xəstəlikdən əziyyət çəkən, dünyasını dəyişən var” - Vətəndaş dəstəyi mütləqdir ! 

“İmmuniteti nisbətən güclü olan insanların “virusa inanmırmış” kimi davranışı isə sadəcə eqoist təfəkkürün nəticəsidir”

“Belə düşüncə tərzi nə qədər çox tərəfdaş toplayarsa, bəla qarşısında aciz durumda qalan cəmiyyət olacağıq”



“Pandemiya elə bir bəladır ki, onunla mübarizə vətəndaşların dəstəyi olmadan heç bir nəticə verməyəcək”. 
Bu sözləri “Sherg.az”a “Report.az”saytının baş redaktoru Murad Alıyev deyib. 
Baş redaktor bildirib ki, son yoluxanların sayında müşahidə olunan ciddi artım bunu göstərir: 

“İstənilən halda, hamı dərk etməlidir ki, hərə yalnız özünə və öz ailəsinə cavabdehdir. Bugün hər kəsin ətrafında xəstəlikdən əziyyət çəkən, dünyasını dəyişən insanlar var. İmmuniteti nisbətən güclü olan insanların “virusa inanmırmış” kimi davranışı isə sadəcə eqoist təfəkkürün nəticəsidir. Belə düşüncə tərzi nə qədər çox tərəfdaş toplayarsa, bəla qarşısında aciz durumda qalan cəmiyyət olacağıq.

Bəs necə edək ki, insanlar özünütəcridin mahiyyətini anlasınlar? Hesab edirəm ki, ilk növbədə kimliyindən asılı olmayaraq, hərkəsə eyni münasibət göstərilməlidir. Misal üçün, insanların 4 divar arasında qaldığı dövrdə bir qrup şəxsin hovuz ətrafında çəkilən şəkillərini sosial şəbəkədə paylaşması digər şəxslərin də bu xəstəliyə olan inamını azaldır. Karantində ayrıseçkilik olduğu fikrini formalaşdırır”. 

M.Alıyev vurğulayıb ki, rəsmi qurumlar tərəfindən atılan bəzi əmin olmayan addımlar da cəmiyyətdə fikir ayrılığına gətirib çıxarır: 

“Həm verilən qərarlar, həm onların cəmiyyət tərəfindən qəbul olunması vəhdət şəkilində olmalıdır. Əks halda qaydalardan yayınmaq üçün hər kəs bəhanə tapacaq. Bu vəhdəti biz Almaniya, Türkiyə kimi ölkələrin timsalında gördük. İnsanlar verilən qərarların dəstəkləyicisi rolunda çıxış etdilər, maskasız gəzən şəxsləri görəndə ictimai qınaq yaratdılar. Nəticə göz qabağındadır, artıq həmin ölkələrdə post-pandemiya dövrü yaşanır”.

Paylaş

Bizi Facebookda izləyin
İsmayıl Qocayev Yazarın yazıları
menu
menu