Konfetin içərisindən dəmir parçası çıxdı - Antisanitar şəraitdə istehsal... !

“Onun istehsalı adi bir sexdə, qanunazidd formada həyata keçirilib”

Bakıda marketdən alınan konfetin içərisindən dəmir parçası çıxıb. Bu barədə müştəri Pərviz Şükürov  məlumat verib. P.Şükürov paytaxtın Bakıxanov qəsəbəsində yerləşən "Sərham" marketdən çəki ilə "Sweet drop" adlı konfet alıb. Konfeti yeyən zaman  onun içərisində dəmir parçası olduğu məlum olub. Yəni, necə deyərlər, üstü bəzək, altı isə...



 Azad İstehlakçılar Birliyinin sədri Eyyub Hüseynov bu barədə “Sherg.az”a danışıb. Onun sözlərinə görə, konkret konfetin istehsalında standartlar gözlənilmir:

 “Əgər məhsulun içərisindən kənar bir cisim çıxırsa, onun antisanitar şəraitdə istehsal olunduğuna heç bir şübhə qalmır. Mən keçən il bir çörək sexinə getdim və qadınların qulaqlarında sırğa, əllərində üzük ola-ola işlədiklərini gördüm. Əlbəttə, belə hallara yol vermək olmaz- nə çörək, nə də başqa bir məhsulun istehsalında. Konfet mexanikləşdirilmiş şəraitdə istehsal olunur.



Bu prosesdə həm də kənar cisimlər çıxdaş edilir. Əgər müştərinin aldığı məhsulun içərisindən dəmir çıxıbsa, deməli, onun istehsalı adi bir sexdə, qanunazidd formada həyata keçirilib. Alıcılar bu cür hallarda gərək Qida Təhlükəsizliyi Agentliyinə müraciət etsinlər”.

Paylaş

Bizi Facebookda izləyin
Kənan Novruzov Yazarın yazıları
menu
menu