Belarus Rusiyadan neft alışını azaldır

Belarus 2020-ci ilin avqust ayında Rusiyadan neft alışını 1,21 milyon tona qədər azaldacaq.
Bu barədə “İnterfaks” “Belneftexim” konserninin nümayəndəsi Aleksandr Tişenkonun açıqlamasına istinadən xəbər yayıb.
Onun sözlərinə görə, avqust ayında Belarusun neftə olan tələbatı 1,37 milyon ton səviyyəsində müəyyən edilib.
Rusiyadan satın alınan 1,21 milyon tondan artıq həcmdə nefti Belarus Azərbaycan və ABŞ-dan alacaq. Bu ölkələrdən ümumi həcmi 160 min ton olan iki tanker tədarükü avqusta planlaşdırılır.
2020-ci ilin iyul ayında Belarus Rusiyadan 1,58 milyon ton neft alıb. Ümumiyyətlə, yanvar-iyul aylarında Rusiya neftçiləri Belarusa 6,14 milyon ton yanacaq tədarük ediblər ki, bu da ötən ilin müvafiq dövrü ilə müqayisədə 37,4 faiz azdır.
Hazırda Belarus xammalı Rusiyadan əlavə, Azərbaycan, Norveç, ABŞ və Səudiyyə Ərəbistanından alır. Daha əvvəl Rusiya Belarus üçün yeganə təchizatçı idi.

Paylaş

Bizi Facebookda izləyin
menu
menu