Barsa” altı futbolçu ilə yollarını ayırmağı planlaşdırır


“Barselona” qış transfer pəncərəsində altı futbolçu ilə yollarını ayırmağı planlaşdırır.

Bu barədə “Çempionat” məlumat yayıb.

Transfer siyahısına Ektor Firpo, Samuel Umtiti, Mateus Fernandes və Martin Braytvayt da daxil olub.

E.Firpo “Barsa”nın baş məşqçisi Ronald Kumanın planlarında yer almayıb, həmçinin ona İtaliyadan təkliflər gəlib. Futbolçunun “İnter” və ya “Napoli”yə keçməsi ehtimal olunur.

S.Umtiti isə icarəyə göndəriləcək. Onunla “Lion” və “Roma” maraqlanır.

M.Fernandes transferi isə daha çətin görünür. Baş məşqçinin planlarında yer almayan futbolçu yay transfer pəncərəsində “Monako”ya keçməyə yaxın olsa da, bundan imtina edib.

Braytvaytın İngiltərə klubuna keçməsi real görünür. “Barsa”nın baş məşqçisi onu Menfis Depayla əvəzləmək istəyir.

“Barselona”nın həmçinin gənc futbolçular Karles Alenyu və Rikarko Puça ilə də yollarını ayırması gözlənilir.

Paylaş

Bizi Facebookda izləyin
menu
menu