Ermənilər hər zaman məscidlərimizə hörmətsiz yanaşıblar

Qarabağda 67 məsciddən 63-ü dağıdılıb, biz onlarla heç vaxt barışa bilmərik

Qarabağın onlarla, yüzlərlə müsəlman abidəsinin məruz qaldığı mədəni faciə tamamilə diqqətdən kənarda qalıb. Bunu Rusiya Müsəlmanları Ruhani İdarəsinin sədrinin birinci müavini Dəmir Muhetdinov öz "Facebook" səhifəsində yazıb. O bildirib ki, Dağlıq Qarabağda onilliklər ərzində 67 məsciddən 63-ü dağıdılıb: "Dağıdılmış tarixi və mədəni abidələrin sayı isə yüzlərlədir.

Qarabağdakı yüzlərlə müsəlman abidəsinin məruz qaldığı mədəni faciə diqqətdən kənar qaldığı vaxtda, xristian abidələrinin guya hücuma məruz qalması barədə məlumatları vicdansızlıq kimi qiymətləndirirəm. Obyektiv yanaşma sərgiləyən istənilən müşahidəçi qeyd edər ki, Azərbaycan özünü multikultural dövlət kimi göstərir və bütün dini adətlərə yeni səviyyədə hörmətlə yanaşır. Bakı dəfələrlə dünya dini liderlərinin sammitinin paytaxtı seçilib".

Mövzuya münasibət bildirən ilahiyyatçı-alim Atif İsmayılov "Şərq"ə açıqlamasında bildirib ki, ermənilər hər zaman məscidlərimizə hörmətsiz yanaşıblar. İlahiyyatçı bildirib ki, onların bu cür hörmətsizlikləri dünya qarşısında da tənqid olunmalıdır:

"Biz onlarla heç zaman heç bir sahədə barışa bilmirik. Bu məsələnin daim gündəmə gəlməsi, ümumdünya miqyasına qaldırmaq hər birimizin şəxsi borcumuzdur. Bu yaxınlarda Rusiya Müsəlmanları Ruhani İdarəsinin sədrinin birinci müavini Dəmir Muhetdinovun məscidlərimizin ermənilər tərəfindən dağıdılması barədə danışması çox təqdirəlayiqdir.

Ümumiyyətlə, qeyd edim ki, işğaldan azad edilmiş ərazilərimizdə mədəni irsimiz sayılan 63 məscidin dağıdılması və ya birbaşa onlara qarşı təhqiramiz hərəkətlərin edilməsi dini inanclara zərrə qədər imanı olmayanların hərəkətidir. Təbii ki, dünyada müsəlmanlardan savayı digər dinlərə mənsub olan insanların da ən azı özlərinin müqəddəs saydığı şeylər var.

Həqiqi dinlərə mənsub olanlar özlərinin dini ideologiyalarına baxmış olsalar görərlər ki, Allaha ibadət olunan hər bir yer müqəddəsdir və onu qorumaq hər kəsin borcudur. Buradan aydın görünür ki, mənfur düşmənin apardığı çirkin siyasət nəticəsində onlar nə dini, nə də ki, mədəni mənəviyyata sahib deyillər.

Məscidlərin dağıdılması onların bir daha çirkin niyyətlərindən xəbər verir. İnanıram ki, tezliklə Ali Baş Komandanın əmri ilə həmin məscidlər bərpa olunacaq, yenidən insanlarımız ibadət edəcək".

Paylaş

Bütün xəbərlər Facebook Telegram kanalında
Aynurə Pənahqızı Yazarın yazıları
menu
menu