ATƏT-in rəhbər postlarına yeni təyinatlar təsdiqlənib

ATƏT-in rəhbər postlarına yeni təyinatlar təsdiqlənib.
APA-nın xəbərinə görə, ATƏT-ə üzv dövlətlər uzun müddətdir təşkilatın boş qalan rəhbər vəzifələrinə təyinatlarla bağlı razılığa gələ biliblər.
ATƏT-in Baş katibi postuna alman diplomat Helqa Şmid seçilib.
O, Avropa İttifaqının (Aİ) xarici siyasət ofisində eyni vəzifəni tutur.
İtaliyalı Matteo Mecacci ATƏT-in seçki və insan haqları üzrə ofisinin direktoru, Maria Tereza Ribeyro ATƏT-in media azadlığı üzrə xüsusi nümayəndəsi, Kayrat Abdrahmanov isə ATƏT-in milli azlıqlar üzrə ali komissarı seçilib. 
Xatırladaq ki, üzv dövlətlər bu il ATƏT-in Baş katibi vəzifəsi də daxil olmaqla dörd əsas rolda üç illik heyət müddətini yeniləməyə razılaşa bilməmişdilər. Buna görə də həmin vəzifələr iyul ayından bəri boş idi.

Paylaş

Bütün xəbərlər Facebook Telegram kanalında
menu
menu