Tramp yolun sonuna gəldi: ABŞ Nümayəndələr Palatası impiçmentə səs verib


ABŞ Nümayəndələr Palatası hazırkı prezident Donald Trampın impiçmentinə səs verib.

APA “RİA Novosti”yə istinadən xəbər verir ki, impiçment yeganə maddəyə - qiyama çağırışa görə elan edilib.

Qətnamədə deyilir ki, dövlət başçısının hərəkətləri konstitusiya anlayışı ilə “ağır cinayətlər və əməllər” anlayışına uyğun gəlir. Konqresmenlərin qərarı Trampı aşağı palata tərəfindən iki dəfə impiçment elan edilmiş ilk prezident kimi ABŞ tarixinə yazıb. Trampın vaxtından əvvəl hakimiyyətdən uzaqlaşdırılması üçün onun Senatda da impiçmentinə dair qərar verilməsi lazımdır, ancaq Respublikaçılar hələ də Senatı yanvarın 20-də keçiriləcək Co Baydenin andiçmə mərasimindən əvvəl tətildən geri çağırmaqla bağlı razılığa gəlməyiblər. Trampın vəzifəsindən getdikdən sonra impiçment ediləcəyi dəqiq deyil, çünki Konqres tarixində belə bir təcrübə qeydə alınmayıb.

Paylaş

Bütün xəbərlər Facebook Telegram kanalında
menu
menu