Direktorlar üçün müsahibənin vaxtı açıqlandı 


“Direktorların işə qəbulu ilə bağlı müsahibələrin may-sentyabr aylarında keçirilməsi planlaşdırılır”.

"Sherg.az" xəbər verir ki, bu barədə Təhsil naziri Emin Əmrullayev “Facebook” səhifəsi üzərindən pandemiya dövründə tədrisin təşkili, müəllimlərin işə qəbulu və yerdəyişməsi, 1-ci sinfə qəbul və təhsil haqqı ödənişlərində sosial paketlərlə bağlı suallara cavab verərkən deyib.

O bildirib ki, ilk dəfə müsabiqə test mərhələsi üçün nümunəvi suallar hazırlanıb:

“Ötən illə müqayisədə rekord sayda 2 863 namizəd test imtahanı mərhələsində iştirak edib, 1552 namizəd isə müsahibə mərhələsində iştirak üçün buraxılacaq. Əvvəlcə balı yüksək, daha sonra nisbətən balı aşağı olanlar müsahibəyə dəvət olunacaq. Direktorların işə qəbulu ilə bağlı müsahibələrin may-sentyabr aylarında keçirilməsi planlaşdırılır ki, növbəti tədris ilinə qədər işə qəbul təşkil edilsin”.

Paylaş

Bütün xəbərlər Facebook Telegram kanalında
menu
menu