Lavrov agah edildi!- "Üçtərəfli bəyanatın tələbləri yerinə yetirmək..."

“Azərbaycan regionda dayanıqlı sülhün, etibarlı təhlükəsizliyin və çoxtərəfli əməkdaşlığın təmin olunması istiqamətində qətiyyətli mövqe nümayiş etdirir. Ölkəmiz bu istiqamətdə mövcud geostrateji reallıqlara uyğun və gələcəyə hesablanmış konkret addımlar atır. Yeri gəlmişkən, Prezident İlham Əliyevin Rusiya Federasiyasının xarici işlər naziri Sergey Lavrovun başçılıq etdiyi nümayəndə heyətini qəbulu zamanı da bu məsələlər diqqət mərkəzində oldu. Dövlətimizin başçısı Azərbaycanın prinsipial mövqeyini və aydın strateji baxışlarını bir daha ifadə etdi”.
Bu fikirləri "Sherg.az“a açıqlamasında politoloq Nurlan Qələndərli deyib.
Politoloq bildirib ki, bəhs olunan görüşdə Üçtərəfli bəyanatın mühüm bəndinin – nəqliyyat dəhlizlərinin açılması məsələsinin reallaşması üzrə önəmli addımlar atıldığı diqqətə çatdırıldı:

Məlumdur ki, Azərbaycan öz tərəfindən dəmir yolu və avtomobil yolları infrastrukturunun bərpası üzrə fəal iş aparır. Düşünürəm ki, bu, regional təhlükəsizlik və əməkdaşlıq kontekstində strateji əhəmiyyətə malikdir.

Bölgədə kommunikasiya xətlərinin bərpası unikal və universal əməkdaşlıq mühiti yaradır. Bütövlükdə, Cənubi Qafqazda yeni geostrateji situasiyanın yaranması Avrasiyada beynəlxalq dialoq, inteqrasiya və işbirliyi zəminində bir çox xalqlar və dövlətlər üçün əhəmiyyətli siyasi-iqtisadi dividendlər vəd edir”.
 
N.Qələndərlinin sözlərinə görə, bəhs olunan görüş zamanı dövlətimizin başçısı tərəfindən Azərbaycanın humanitar problemlərlə bağlı məsələlərdə xoş məram nümayiş etdirməsinin diqqətə çatdırılması xüsusi önəm daşıyır:

“Ölkəmiz postmüharibə dövründə bu kontekstdə bir çox addımlar atıb. Əlbəttə, Azərbaycanın bu mühüm siyasi jestinə uyğun olaraq Ermənistan da adekvat davranış sərgiləməlidir.

Xüsusilə də, məğlub ölkə Üçtərəfli bəyanatın icrası ilə əlaqədar müxtəlif əngəllər və problemlər yaratmağa yönəlik cəhdlərdən əl çəkməli, beynəlxalq hüquq normalarına,  humanizm prinsiplərinə zidd davranışlara yol verməməlidir.

Ermənistanın qarşısında duran başlıca vəzifə, öhdəlik Üçtərəfli bəyanatın tələblərini tam və qeyd-şərtsiz yerinə yetirmək, revanşizm siyasi ritorikasından əl çəkmək və yeni reallıqlara uyğun davranış sərgiləməkdir”.

Paylaş

Bütün xəbərlər Facebook Telegram kanalında
Aynurə Pənahqızı Yazarın yazıları
menu
menu