“...VƏ BÜTÜN QARANLIQ OTAQLAR“ adlı şeirlər kitabı ictimaiyyətə təqdim olunub - Fotolar





Azərbaycan Respublikasının Mədəniyyət Nazirliyi, Azərbaycan Yazıçılar Birliyi və Azərbaycan Milli Kitabxanasının birgə təşkilatçılığı ilə AYB-nin üzvü, gənc və tanınmış şair Tural Turanın "...VƏ BÜTÜN QARANLIQ OTAQLAR" adlı şeirlər kitabının təqdimat mərasimi keçirilib. 

"Sherg.az" xəbər verir ki, tədbiri giriş sözü ilə Milli Kitabxananın direktor müavini Ədibə İsmayılova açıb və Azərbaycan müasir ədəbi mühitindən bəhs edən nitq söyləyib. 

Eyni zamanda Milli Kitabxananın artıq iki ildir gənc yazarlara tədbirlərin keçirilməsində dəstək olmasını xüsusi vurğulayıb. Sonra tədbiri idarə etmək üçün sözü yazıçı Kənan Hacıya verib. Kənan Hacı çıxışında Tural Turanın ədəbi gənclik camiəsində özünəməxsus yeri olduğunu qeyd edərək onun şeirlərinin bədii məziyyəti haqqında ətraflı fikir sərgiləyib. Tədbirdə tanınmış qələm adamları, ictimaiyyət nümayəndələri və KİV təmsilçiləri iştirak edib. Mərasim zamanı ədəbiyyat və ictimaiyyət nümayəndələrindən Azər Qismət, Azərbaycan Dillər Universitetinin dekanı, filoloq Bənövşə Məmmədova, DANİB sədri Elməddin Behbud, Seyran İsmayıl, Ulucay Akif, Fuad Cəfərli, Şahanə Müşfiq, Emil Rasimoğlu və digərləri çıxış edərək Tural Turanın şeirlərindən danışıb və uğurlar arzulayıblar. Sonda kitablar imzalanıb və müəlliflə xatirə şəkilləri 
çəkdirilib".







Paylaş

Bizi Facebookda izləyin
menu
menu