Cavad Zərif: Bəzi dövlətlər ABŞ-ı faciə ilə nəticələnəcək müharibəyə sürükləyir





Bəzi dövlətlər ABŞ-ı və prezident Donald Trampı faciə ilə nəticələnəcək müharibəyə sürükləyir.

AZƏRTAC xəbər verir ki, bu sözləri İranın xarici işlər naziri Məhəmməd Cavad Zərif "Əl-Cəzirə” televiziyasına müsahibəsində deyib.

Nazir bildirib ki, istər Konqresdə, istərsə də ictimaiyyətdə ABŞ prezident Trampın siyasətinin əleyhinə çıxanların çoxalması təsadüfi xarakter daşımır. Onlar başa düşürlər ki, ABŞ mənasız silahlı münaqişəyə doğru gedir.

İrana qarşı sanksiyaları iqtisadi terrorçuluq adlandıran M.C.Zərif qeyd edib ki, sanksiyalardan İran ilə yanaşı, bir çox digər dövlətlər də əziyyət çəkir. Bu fakt dünyada ABŞ-ın nüfuzuna çox ciddi zərbə vurur.

Nazir nəzərə çatdırıb ki, Vaşinqton administrasiyası özünün milli maraqlarını deyil, başqa qüvvələrin maraqlarına xidmət edir.

Paylaş

Bizi Facebookda izləyin
menu
menu