Rusiyalı deputat arvadını güllələdi


Rusiyanın Çelyabinsk diyarında yerli xəstəxananın baş həkimi vəzifəsini tutan Lokomotiv Şəhər Məclisinin deputatı həyat yoldaşının qətlində ittiham olunur.

Söhbət Vahid Rusiya Partiyasının 51 yaşlı deputatı Azad Zaripovdan gedir. Məlumata əsasən, o, avqustun 21-nə keçən gecə arvadını güllələyib. Qadın xəstəxanada ölüb. Onların üç övladı olub.

Münaqişənin səbəbi hələlik açıqlanmır. Qeyd olunur ki, istintaq orqanlarının rəsmi bəyanatı yaxın zamanlarda dərc ediləcək.

"Kartalinskaya nov" nəşri isə qeyd edir ki, münaqişəyə ərin evə qayıdarkən arvadını başqa kişi ilə görməsi səbəb olub.

"Znak" nəşri regional İstintaq Komitəsinə istinadən bildirir ki, ər-arvad arasında münaqişə zamanı Zaripov ov tüfəngi ilə həyat yoldaşına bir neçə dəfə atəş açıb.