Müdafiə Nazirliyi: "Bu, yalandır və dezinformasiya məqsədilə ilə yayılıb"


Müdafiə Nazirliyi bəzi xarici internet media resurslarında ABŞ tərəfindən İran və İraqa hücum etmək üçün İsrail dronlarının Azərbaycana gətirilməsi ilə bağlı yayımlanan məlumatlara münasibət bildirib.
Müdafiə Nazirliyindən APA -ya verilən xəbərə görə, belə məlumatların heç bir əsası yoxdur: “Bu, yalandır və dezinformasiya məqsədilə ilə yayılıb”.
Qeyd edək ki, bəzi xarici media resurslarında “Haşd əl-Şaabi” (Xalq səfərbərlik bölmələri) qruplaşmasının komandiri Əbu Mehdi Əl-Mohandisin itiihamları yer alıb. Həmin ittihamlarda Əbu Mehdi Əl-Mohandis ABŞ-ı İsrail dronlarını İraq və İranı hədəf almaq üçün Azərbaycana yeritməkdə günahlandırıb: “Donald Tramp İraqın suverenliyini pozmağın müxtəlif yollarını nəzərdən keçirir. Amerikalıların ABŞ donanmasının tərkibində 4 İsrail dronunu hazırlayaraq Azərbaycan üzərindən İraqın hərbi qərargahlarını hədəf almasını həyata keçirməsi barədə bizdə dəqiq və təsdiqlənmiş məlumat var”.