Hazırda Ankarada səfərdə olan NATO baş katibi Yens Stoltenberq Türkiyənin Suriyanın şimal-şərqində PKK, PYD və YPG silahlı qruplaşmalarına qarşı başlatdığı əməliyyatlara münasibət bildirib.
«Sherg.az» « Lefigro.fr»ə istinadən xəbər verir ki, Türkiyənin xarici işlər naziri Mövlud Çavuşoğlu ilə birgə mətbuat konfransı keçirən baş katib Türkiyəni təmkinli davranmağa çağırıb:
«Türkiyənin təhlükəsizlikləri ilə bağlı qanuni narahatlıqlarına baxmayaraq biz Ankaradan təmkinli davranış gözləyirik.
Və mən bu əməliyyatın regionda stabilliyin pozulmasına səbəb ola biləcəyi ilə bağlı ciddi narahatlıqlarımı Türkiyə tərəfinə çatdırmışam».
