Kim plastik əməliyyat edirirsə, normal baxıram. Saç əkimi məndə də olub, danmayacam. Heç də peşman deyiləm. Elə bir insan ola bilməz ki, onun saçları tökülsün, kompleks yaşamasın. Mümkün deyil! Ələlxüsus da səhnə adamı. Səhnə gözəllik, qədd-qamət, yaraşıq tələb edir.
Oxu.Az xəbər verir ki, bu sözləri Əməkdar artist Vasif Məhərrəmli Xəzər TV-də yayımlanan “Ay Zaur” proqramında kişilərin plastik və estetik əməliyyatlara müraciət etməsi ilə bağlı sualı cavablandırarkən bildirib.
O, aparıcı ilə söhbətində “Dünyanın ən bahalı ətirini vururam” kəlməsi ilə ətrafında söz-söhbətlər yaratmış olub.
“Çirkin insan yoxdur, gərək özünə baxasan. “Kişidən mazut iyi gələr” deyimi ilə qətiyyən razı deyiləm. Qardaş, niyə mazut iyi gəlməlidir? Mən dünyanın ən bahalı ətirini vururam, məndən ömür boyu mazut iyi gələ bilməz və heç vaxt mazut iyi gələn adamın yanında oturmuram”.
