Gəncədə beş yaşlı qız qızdırmadan öldü

Gəncə şəhərində uşaq qızdırmadan ölüb. 

Oxu.Az-ın bölgə müxbiri xəbər verir ki, 2014-cü il təvəllüdlü Abdullayeva Zəhra Ramiz qızı qızdırma diaqnozu ilə Gəncə Yoluxucu Xəstəliklər Xəstəxanasına çatdırılıb. 

Xəstəxananın baş həkimi İradə Dəmirova Oxu.Az-a açıqlamasında bildirir ki, uşaq xəstəxanayana gətiriləndə artıq ölmüşdü:

“Xəstəyə Nurəngiz həkim baxıb. Həkim uşağın öldüyünü görərək, polisə məlumat verib. Uşaq bizə Gəncə Dəmiryol Xəstəxanasından gətirilib”.

Faktla bağlı Gəncə Şəhər Prokurorluğunda araşdırma başlanılıb.