Yol Polisi "qırmızı"da keçən sürücülərin sayını açıqladı

“2019-cu ilin yanvar-sentyabr aylarında 50600 sürücü svetoforun və ya nizamlayıcının qadağanedici işarəsi verilərkən hərəkətin davam etdirilməsinə görə məsuliyyətə cəlb olunub”.

Bu barədə Modern.az-a Baş Dövlət Yol Polisi İdarəsinin ictimaiyyətlə əlaqələr şöbəsinin rəisi Rüfət Quliyev məlumat verib.

Qeyd edək ki, İnzibati Xətalar Məcəlləsinin 327.2. maddəsinə görə, svetoforun və ya nizamlayıcının qadağanedici işarəsi verilərkən hərəkətin davam etdirilməsinə görə 60 manat və 3 cərimə balı nəzərdə tutulur.