İşgəncə verilən azyaşlıların nənəsi: "Qapını qıraraq uşaqları onlardan aldıq"

"Qapını qıraraq uşaqları onlardan aldıq". Oxu.Az-ın bölgə müxbiri xəbər verir ki, bu sözləri valideynləri tərəfindən işgəncəyə məruz qalan uşaqların nənəsi Tamaşa İbrahimova deyib.

O bildirib ki, 15 gündür uşaqlara onlar baxır:

“Qapını, pəncərəni qırıb, uşaqları oradan çıxarmışıq. Onları gətirəndən həkimlərdəyik. Xəqani və Nuranə mənim nəvələrimi bu hala salıb”.

Qeyd edək ki, azyaşlı Qulu və Hüseyn adlı qardaşların anası onlar körpə olan vaxt vəfat edib.  
Himayəsində qaldığı ataları, Ağcabədi rayon sakini Xəqani Kazımov isə Nuranə adlı qadınla ailə qurub. Daha sonra Nuranə adlı qadın uşaqlara müxtəlif işgəncələr verib.