Norveçli şahzadə Marta Luisin keçmiş həyat yoldaşı, norveç yazıçısı Ari Behn dekabrın 25-də 47 yaşında vəfat edib.
“Sherg.az” “lemonde.fr”ə istinadən xəbər verir ki, yazıçının sözçüsü onun intihar etdiyini bildirib.
Qeyd edək ki, Ari Behn 1999-cu ildə «Cəhənnəm kimi kədər» adlı hekayələr toplusu nəşr etdirib. Bir neçə roman və pyesin müəllifidir. O, 2002-ci ildə şahzadə Marta Luislə evləndikdən sonra məşhurlaşıb.
Evli olduğu müddətdə həyat yoldaşına “Ürəkdən ürəyə » adlı sevgi əsərini ithaf edib. 2016-cı ildə ayrılıblar. Üç qız övladı var.
Ari Behn 2018-ci ildə ruhi pozğunluqlara qarşı mübarizəsini təsvir etdiyi « İnferno » adlı son kitabını nəşr edib.
