Azərbaycanlıları qanunsuz işə cəlb edən rusiyalı cərimələndi

Rusiyanın Tümen vilayətində azərbaycanlıları qanunsuz olaraq işə cəlb edən yerli vətəndaş saxlanılıb.

Proctmo.ru-nun xəbərinə görə, rusiyalı dörd azərbaycanlını işə cəlb edib.

Tikinti sahəsində suvaqçı işləyən həmin şəxslərin Rusiya ərazisində çalışmaq icazəsi olmayıb.

Rusiya vətəndaşı barəsində “Rusiya ərazisində işləmək icazəsi olmayan xarici vətəndaşların əməyə cəl edilməsi” maddəsi ilə inzibati cəza müəyyən edilib.

Qanunu pozan həmin şəxs 8000 rubl (212 AZN) cərimə ödəməlidir.