Azərbaycanda eyni şəxsə məxsus 5 şirkət ləğv olunur

"Hader", "Degar", "Foter", "Masar" və Qafro MMC-lər ləğv olunduğunu elan edib.

Report xəbər verir ki, bu barədə Vergilər Nazirliyi məlumat yayıb.

Maraqlıdır ki, adları çəkilən şirkətlərin hamısı ötən il oktyabrın 25-də, 10 manat nizamnamə kapitalı ilə yaradılıb. Onların hüquqi ünvanı (Bakı şəhəri, Nərimanov rayonu, Təbriz küçəsi, ev 56, mənzil 105/35) və qanuni təmsilçisi (Qurban Bəhruz oğlu Qurbanlı) də eynidir. Bu isə kommersiya qurumlarının eyni şəxsə məxsus olmasından xəbər verir.

Kreditorlar tələblərini bildirmək üçün 2 ay ərzində adı çəkilən ünvana müraciət etməlidir.