Xəzər TV-yə yeni rəhbər təyin olunmuş Murad Dadaşov kanalın efir siyasətində bir sıra dəyişikliklər etməyə qərar verib. Məlumata görə, Xalq artisti ictimaiyyət arasında bayağı adlandırılan müğənniləri tez-tez iki proqramında ( "5-də 5” və "Ay zaur”) qonaq edən aparıcı Zaur Kamala xəbərdarlıq edib. M.Dadaşov aparıcıya verilişlərin keyfiyyətinin artırılmağı barədə göstəriş verib. Bununla bağlı "5-də 5” proqramı hazırladığı həftəlik planda dəyişiklik edərək ifaları ilə müzakirələrə səbəb olan ulduzlar siyahıdan çıxarılıb.
Hətta Zaur "5-də 5”in dünənki buraxılışında Dadaşovun sözügedən tapşırığı barədə danışıb:
"Murad bəy bu vəzifəyə təyin olunandan sonra mənə söylədi ki, Azərbaycan musiqilərinə, milli adət-ənənələrimizə hər zaman diqqət yetirin. Verilişə çağıracağınız qonaqları da ona uyğun seçin”.
Həmçinin yeni kanal rəhbəri "Xəzər”in efirinin daim qonaqları olan Şəbnəm Tovuzlu, Manaf Ağayev, Mətanət Əsədova, Damla kimi müğənnilərin ekrana çıxmasına qadağa qoyub.
Məsələ ilə bağlı “Sherg.az”a danışan Mətanət Əsədovanın qadağa olayına reaksiyası belə oldu:
Murad müəllim lap əcəb edib. Ona böyük hörmətim var. Sonsuz təşəkkür edirəm. Xəzər tv-nin rəhbəridir. Mən ona nə deyə bilərəm? Onu vəzifəsinə görə deyil, yaxşı şəxsiyyət, gözəl insan olduğu üçün çox istəyirəm. Sənətkar olanda nə olar? Sənətkara qadağa qoyula bilməz?! Bildiyi bir şey var ki, belə edib”.
Samirə Ərəbova
