Bu gün ADU Tələbə Həmkarlar İttifaqı Komitəsinin onlayn şəkildə iclası baş tutdu. İclasda bildirildi ki, bütün dünyada olduğu kimi hazırda ölkəmizdə də koronavirus pandemiyasının qarşısının alınması məqsədilə xüsusi karantin rejimi elan edilib.
"Sherg.az"ın xəbərinə görə, İclasda qərara alındı ki, ötən il ərzində ADU THİK-ə maddi yardımla bağlı müraciət etmiş, təşkilatın müəyyənləşdirdiyi və sistemdə cari hesabı olan valideyn himayəsindən məhrum, şəhid, qazi, o cümlədən aztəminatlı ailələrin övladlarının karantin müddətində sosial-məişət şəraitinin daha etibarlı müdafiəsi məqsədilə smetamızın müvafiq bəndinə əsasən təxminən 100 (yüz) tələbənin hər birinin hesabına 50 (əlli) manat məbləğində birdəfəlik maddi yardım verilsin.
Qeyd edim ki, cari hesabı olmayan, lakin hazırda maddi durumu çox aşağı olan tələbələr də ADU THİK-ə müraciət edə bilərlər, müraciətlər araşdırıldıqdan sonra cari hesab açmaları şərti ilə növbəli şəkildə onlara da dəstək göstəriləcək.
Yaxın günlər ərzində vəsait tələbələrin hesabına köçəcək və dekanlıq əməkdaşları vasitəsilə tələbələrə məlumat veriləcəkdir.
Tələbələrdən xahiş edirik ki, vəsaiti bankdan götürməzdən əvvəl Nazirlər Kabineti yanında Operativ Qərargahın tətbiq etdiyi xüsusi karantin rejiminin tələbələrinə riayət etsinlər. Sms vasitəsilə icazə aldıqdan sonra yaşadıqları əraziyə yaxın Kapital bank filiallarına yaxınlaşsınlar.
Əlavə suallarla bağlı mənimlə əlaqə saxlaya bilərsiniz: +994502145250
#aduthik #hərşeytələbəüçün #evdəqal
