Azərbaycanda post-koronavirus dövrünə hazırlıq məqsədilə mərhələli və yumşaldıcı tədbirlər həyata keçirilir. Dövlətimiz müəyyən sosial məsafə gözləmək, sanitar qaydalara əməl etmək şərti ilə bəzi qadağaları aradan götürüb.
Sosial məsafə saxlanması, əl və tənəffüs gigiyenası COVID-19 yoluxmasının qarşısını alan əsas tədbirlərdir.
Millət vəkili Məlahət İbrahimqızı isə insanlara bu çətin günlərdə məsuliyyətli və diqqətli olmağı tövsiyə edir. Xanım millət vəkili hesab edir ki, vətəndaşlarımız mümkün qədər sosial məsafəni gözləməli, insanların sıx toplaşdığı yerlərdən uzaq olmalıdır. Pandemiya təhlükəsi geridə qalana qədər özünütəcrid kampaniyası davam etdirilməlidir:
“Yumşalma dövründə vətəndaşların davranışı həyati əhəmiyyət
daşıyır” |
"Hər kəs bu qlobal təhlükə ilə mübarizədə ciddi məsuliyyət daşımalı, şəxsi gigiyena və sosial izolyasiya qaydalarına əməl etməlidir".
Xanım parlamentari həmçinin qeyd edib ki, hökumət pandemiya başlayanda sərt karantin rejimini tətbiq etməklə yoluxma halının maksimum səviyyəyə çıxmasının qarşısını aldı:
“Bu tədbirlər insanların sağlamlığının qorunmasına xidmət edirdi. Tədricən həyata keçirilən yumşalma prosesi də vətəndaşların sosial həyata dönməsi məqsədi daşıyır. Lakin yumşalma dövründə vətəndaşların davranışı həyati əhəmiyyət daşıyır”.
