Koronavirusdan sağalanların sayı yeddi milyonu keçdi - STATİSTİKA


Dünyada COVID-19 infeksiyasından sağalanların sayı 7 069 283 nəfərə çatıb.

Bu barədə Oxu.Az-ın onlayn statistikasında qeyd edilir.

Ümumilikdə, dünyada 12 170 570 nəfərdə koronavirus aşkarlanıb, 552 112 nəfər xəstəliyin qurbanı olub.

Koronavirusun ən çox yayıldığı qitə Şimali Amerika (3 701 165 nəfər), ölkə isə ABŞ-dır (3 158 932).

Azərbaycanın sərhəd qonşusu Rusiya yoluxma sayına görə dünya ölkələri arasında dördüncü sırada qərarlaşıb. RF-də koronavirusa yoluxan 700 792 nəfərin 10 667-si ölüb.

Digər qonşularımızdan İranda 248 379, Türkiyədə 208 938, Ermənistanda 29,820, Gürcüstanda 963 yoluxma müşahidə edilir.

Azərbaycanda koronavirus 21 916 nəfərdə aşkarlanıb. Virusa yoluxanlardan 274 nəfəri həyatını itirib, 13 100 xəstə sağalıb.