Hikmət Hacıyev: Ordumuz işğal edilmiş torpaqların azad edilməsi istiqamətində fəaliyyətini davam etdirir


Azərbaycan Silahlı Qüvvələri qoşunların təmas xətti boyunca erməni təxribatının qarşısının alınması və işğal edilmiş torpaqların azad edilməsi istiqamətində fəaliyyətini davam etdirir və düşmənə ağır zərbələr endirir.

 Bunu Azərbaycan Respublikası Prezidentinin köməkçisi, Prezident Administrasiyasının xarici siyasət məsələləri şöbəsinin müdiri Hikmət Hacıyev deyib.

H.Hacıyev bildirib ki, Azərbaycan Silahlı Qüvvələri beynəlxalq humanitar hüququn tələblərini əsas götürərək öz fəaliyyətini həyata keçirməkdədir, heç bir mülki obyekti hədəfə almır.

O qeyd edib ki, ermənilər isə mülki obyektləri hədəf götürməyə cəhd edir: “Ermənilər belə bir dezinfomasiya yayıb ki, guya sərhəddə də döyüşlər davam edir. Bu tamamilə yanlışdır, Azərbaycan öz torpaqlarını işğaldan azad etmək istiqmətində iş aparır. Vəziyyətin gərginləşməsində bütün məsuliyyət Ermənistanın hərbi-siyasi rəhbərliyinin üzərinə düşür”.