İsveçin xarici işlər naziri, ATƏT-in fəaliyyətdə olan sədri Ann Linde Ukraynaya səfər edib.
APA-nın xəbərinə görə, bu barədə Ukraynanın xarici işlər naziri Dmitri Kuleba "Twitter"də bildirib.
“ATƏT-in fəaliyyətdə olan sədri kimi ilk xarici səfərini Kiyevə edən Ann Lindeni burada salamlamağa şadam. Bu, Rusiyanın Ukraynaya qarşı davam edən aqressiyası nəticəsində Avropa təhlükəsizliyinə təhdidə cavab verməyin ATƏT-ə sədrlik edən İsveç üçün prioritet olmasına işarədir”, -deyə Ukrayna XİN başçısı qeyd edib.
