“Yuventus” qış transfer pəncərəsində “Bayern”in iki oyunçusu ilə heyətini gücləndirə bilər.
Bu barədə “Calciomercato” məlumat yayıb.
Belə ki, Turin klubu “Bayern”in yarımmüdafiəçisi Korentin Tolisso və hücumçu Coşua Zirkze ilə maraqlanır.
26 yaşlı fransalı Tolisso 2017-ci ildə “Lion”dan “Bayern”ə keçib. Bu mövsüm “Bayern”in heyətində bütün turnirlərdə cəmi 17 oyuna çıxan fransız bir qol vurub. “Transfermarkt” oyunçunun dəyərini 25.5 milyon avro olaraq qiymətləndirir.
19 yaşlı Zirkze isə bu mövsüm doqquz oyunda meydana çıxıb və iki məhsuldar ötürmə ilə yadda qalıb.
