Tarix institutu gəncləri işə dəvət edir - Bu dövrlər araşdırılacaq

AMEA Tarix institutunda əvvəlki tarixi dövrlərdə tarixin nəzəri məsələləri, qədim və orta əsrlər tarixi üzrə,  nəinki Azərbaycanda, o cümlədən onun hüdudlarından kənarda yüksək elmi nüfuza malik olan tarixçi və ya tarixçi-şərqşünas alimlər nəsli fəaliyyət göstərib.

İnstitutun İctimaiyyətlə əlaqələr şöbəsindən "Sherg.az"a verilən xəbər görə, təəssüf ki, sonralar nəsillərin əvəz edilməsi kifayət qədər nəzərə alınmayıb. Nəticədə Tarix institutunda bu sahələr üzrə  ciddi boşluq yaranıb.

Bunu nəzərə alan Tarix institutu tarixin nəzəriyyəsi, Azərbaycanın Atropatena və Albaniya dövlətləri və  orta əsrlər tarixinin bir sıra dövrləri üzrə (VII-IX və XIII-XIV əsrlər) tarixi araşdırmalara marağı olan gəncləri işə dəvət etməyi qərara alıb. Bunun üçün müraciət edən gənclər magistraturanı bitirməli, seçdiyi problem və dövrlərin qaynaqları üzərində çalışmaq üçün müvafiq dil hazırlığına malik olmalıdır. Sənədlər 2021-ci il aprelin 30-dək təqdim edilə bilər. İşə qəbul institutun mütəxəsislərindən təşkil ediləcək komissiya tərəfindən həyata keçiriləcəkdir.