Cavanşir “gül vurdu”: "Gəlin, qız olan evə başqa qadın gətirsək...”

“Uşaq deyiləm, dünyanı gəzmiş insanam. Həmin sözləri o mənada dedim ki, bir qadınla illərlə eyni yastığa baş qoyursan, gənclikdən sevmisən almısan, övladların, nəvələrin var. O, ölən kimi başqasıyla evlənirsən”.
"Sherg.az" Axşam.az-a istinadən xəbər verir ki, bu sözləri Əməkdar artist Cavanşir Məmmədov “Elgizlə izlə” proqramında deyib. Müğənni bir müddət əvvəl verdiyi qalmaqallı açıqlamasına aydınlıq gətirib:

“Efirə gələn bir kişinin həyatına fikir bildirdim. Həyat qura bilərsən, amma övladın, gəlinin varsa, sənə baxan olar. Ailədən, ailəyə fərq var. Gərək tərbiyəni düzgün götürəsən. Nəvənin yanında nə etsən, o da gələcəkdə onu edəcək, nə tərbiyə götürə bilər ki?

Evi sat, övladlarının payına düşəni ver, nə pulun varsa, kassaya qoy. Get evlən, həmin qadına denən ki, evim yoxdu, sənin evində qalım, pulum var yeyəcəyik. Nəvə, nəticə, gəlin, qız olan evə başqa qadın gətirsən, orada mehribanlıq olmaz.

Nikah bağlaya bilərsən, amma onu uşaqlarının üstünə ana kimi gətirmə. Nüfuzdan düşərsən. 65 yaşında qadın gəlib sənin uşaqlarına nə analıq edəcək? Qeyri-rəsmi yaşamaq olsa nə olar? Qeyri-rəsmi yaşayanlar azdır? Özümü də misal çəkmişəm, demişəm, həyat yoldaşım ölsə, yenidən evlənmərəm”.