Xalq artisti Flora Kərimova "Zaurla Günaydın" verlişində qonaq olub. Onun qızı Zümrüd Londondan proqrama telefonla bağlanıb. "Sherg.az" xəbər verir ki, korifey sənətkar qızı ilə maraqlı söhbətlərini verlişdə nəql edib.
O əvvəlcə Zümrüdün "Necəsiz?" sualına "Yaxşıyam, sataşmağa adam axtarıram" deyərək cavab verib. Sonra üzünü aparıcıya tutaraq bunları söyləyib:
"Zaur, qızım zəng edir, soruşur ki, ana, necəsən? Deyirəm, səndən ötrü çox darıxıram. Qayıdır ki, nə üçün darıxırsan? Bir nəfər tap, dalaş, məhkəməyə ver. Bir-iki il başın qarışsın. Deyirəm, hamıyla dalaşmışam, məhkəməlik olmuşam, hamısında da uduzmuşam. Daha ola bilməz".
