Sumqayıt şəhərində müxtəlif cinsli ağaclar kəsilib.
Oxu.Az-ın məlumatına görə, hadisə ötən gecə saatlarında şəhərin 30-cu məhəlləsində baş verib.
Məsələ barədə Sumqayıt Şəhər İcra Hakimiyyəti açıqlama verib.
Qurumdan saytımıza verilən məlumata görə, Sumqayıt şəhər 30-cu məhəllə ərazisində ağacların kəsilməsi ilə bağlı Sumqayıt Şəhər İcra Hakimiyyətinə məlumat daxil olub:
“Ağac kəsən şəxsin aşkar olunması və hadisəyə hüquqi qiymət verilməsi üçün şəhər icra hakimiyyəti tərəfindən aidiyyəti qurumlara məlumat verilib”.