Min illik yumurta tapıldı - FOTOLAR

İsrail arxeoloqları Abbasilər dövrünə aid min illik toyuq yumurtası tapıblar. Salamat tapılan yumurta tədqiqat üçün laboratoriyaya aparılıb.
"Sherg.az" "Hurriyet.com"a istinadən xəbər verir ki, toyuq yumurtası İsrailin Yavneh şəhərində aparılan qazıntı işləri zamanı aşkar edilib.
Arxeoloqlar yumurtanın əsrlər boyu çatlamadan və çürümədən qorunub saxlanmasına təəccübləndiklərini qeyd ediblər. Ancaq əsrlər boyu qırılmayan yumurta müayinə üçün laboratoriyaya aparıldıqda orada qırılıb.
Mütəxəssislərin fikrincə, yumurta qırılsa da, sarısının bir hissəsi qaldığı üçün yenə DNT araşdırması üçün bir şans var.