"Qalatasaray" Rumıniya millisinin futbolçusunu transfer etdi

Türkiyə "Qalatasaray"ı heyətini yeni futbolçu ilə gücləndirib.
"Report" klubun rəsmi saytına istinadən xəbər verir ki, İstanbul təmsilçisi Rumıniyanın "Universitatya" (Krayova) komandasının yarımmüdafiəçisi Aleksandru Çikıldeu ilə anlaşıb.
24 yaşlı oyunçu ilə 5 illik müqavilə imzalanacaq.
Qeyd edək ki, Rumıniya millisinin də formasını geyinən Çikıldeu meydana çıxdığı 14 oyunda 2 qol vurub.