Ermənistanda Nazirlər Kabineti qarşısında keçirilən etiraz aksiyasında baş nazir Nikol Paşinyanın istefası tələb olunur.
“Report” xəbər verir ki, bu barədə “Sputnik Armenia” məlumat yayıb.
Bildirilib ki, aksiya iştirakçıları 44 günlük müharibənin nəticələrinə etiraz edirlər.
12:43
Ermənistan Nazirlər Kabinetinin qarşısında keçirilən etiraz aksiyasında polislə mitinq iştirakçıları arasında toqquşma olub.
“Report” “Sputnik Armenia”ya istinadən xəbər verir ki, polis onlardan birini saxlayıb.
Bunun səbəbi hələ ki açıqlanmayıb.
Qeyd edək ki, mitinq iştirakçıları 44 günlük müharibənin nəticələrinə və Ermənistan hakimiyyətinin hazırkı xarici siyasət kursuna etiraz edirlər.
11:51
Ermənistanda İkinci Qarabağ müharibəsi iştirakçılarının yaxınları Nazirlər Kabinetinin qarşısında aksiya keçirir.
“Report” “Sputnik Armenia”ya istinadən xəbər verir ki, onlar baş nazir Nikol Paşinyanın xarici siyasət kursunun əleyhinə şüarlar səsləndirirlər.
Aksiya keçirilən əraziyə polis qüvvələri cəlb olunub.
Qeyd edək ki, N.Paşinyan bu gün Çexiyada səfərdədir.
